¡DISKO BERRIA!
SORMINETAN (Elkarlanean - 2006)
Kantu ederrak, sendoak, helduak, emozioz beteak, sobrietatearen indarraz jantziak.
Modu honetan datozkigu bilduta Anje Duhalde kantari historiko bezain karismatikoaren SORMINETAN izeneko disko berri honetako 13 abestiok.
Betidanik mugak, adinak hala nola zatiketen gainetik egon den artista honek, harritu egiten gaitu berriro bere lan disdiratsu honetan: alde batetik, sorkuntzan aberatsa bait da eta bestetik produkzio artistikoak zein teknikoak, zirraraz jositako countryblues- rock-aren soinu zuzen eta eraginkorrean asmatu duelako.
Hasteko, grabaketaren prozedurak, zalantzarik gabe, lanari sinesgarritasuna eta entzuketarako erakargarritasuna gehitu dizkio, berrizalea bezain aurrerakoia izan bait da; lehenik ahotsa eta horren ondotik taldea zuzenean errejistratzeak, artistak bere lan taldearengan utzi duen konfidantzaren seinalea ezezik, proiektu honetan Duhaldek duen erabateko ziurtasuna adierazten digu Anje Duhaldek berak diskorako sortutako kantu kopuru handiak, bestaldetik, nortasunaz eta identitate pertsonalaz jazten du lan berria, hautatu dituen hiru bertsioek aurrekoa borobildu eta erreferenziatzen dutelarik: John Hiatt, Jimmy McCarthy eta Mixel Labeguerieren “Oi, kanta berri”, Benito Lertxundiren ahots sujerikorrarekin batera aurkezten duen abesti samur paregabea.
Kantuen letreei gagozkiola (Xabier Amuriza, Gerardo Markuleta eta bera), kantari honen ibilbidean ohi denez, mundu tradizionala eta garaikidea, maitasuna, herria, hizkuntza, askatasuna eta aldarrikapena dira nagusi.
SORMINETAN izeneko honek, azkenik, intuizioak, urte mamitsuetako esperientziak eta gogoak duten balio handia erakusten du, funtsezkoak bait dira honetan irauteko.
Anje Duhalderen sormen ahalaren barruan aske bizi direlarik, kantuen bidez adierazten ditu harek, beti hurbil, beti zintzo, beti itxaropentsu.


2006ko udan zehar ELKAR estudioan errejistratu eta nahastua
Teknikoa: Mikel F.Krutzaga
Ekoizpen artistikoa: Rafa Rueda
Argazkiak: Ander Gillenea
Diseinua: Juanma Aramendi

( www.briganthya.com / www.myspace.com/briganthya )
Adjektibo asko erabili ahal genituzke talde honen musika definitzeko: energiakoa, imajinatikoa, indartsua... “Folk rock” musika motan kokatuko genituzke eta zelta kutsu handi batekin. Briganthia taldearen indar handiena beraien zuzeneko emanaldietan nabarituko duzue.



BideoKlipa: "Temblando estas"

DISKO BERRIA!!
ESTITASUNA (Agorila - 2008)
NAIA artista familia batean sortzen da eta Gorka ta Koldo bere bi anaiekin, Iker bere aitaren ikusgarri munduan hazia izango da.
5 urte dituela, Baionako kontserbatorioan sartzen da. Hor, 7 urtez, solfeo eta txistu kurtsoak hartzen ditu Iñaki Urtizberea maisuarekin. Ondotik pianoa eta gitarra ere lantzen ditu. 13 urterekin, bere izebak ESTITXU kantari famatuak, berarekin kantatzea proposatzen dio eta 12 urtez elkarrekin kantatu dute.
1985ean ARITZAK laukotea bere 2 anai eta aitarekin sortzen du. 7 disko grabatu eta 15 urtez kantuz ibili ondoren, gaur egun, bere sustraietara itzultzen zaigu « ESTI tasuna » disko berri hau aurkeztuz, ESTITXUren omenez.

DISKO BERRIA!!
LURRA eta MAITASUNA (Elkarlanean - 2006)
Amodioa eta lurraldetasuna, ezinbesteko elementoak ditugu gizakiaren bizi iraupenerako. Lurra eta maitasuna, era berean, kantu herrikoiaren tematika eternoa dugu, bere mamirik funtsezkoena.
Gurean berriz, Peio Ospital eta Pantxoa Carrere-k beste inork baino hobekiago bereganatu dute aurreko konzeptoa, 60. hamarkadaren amaieratik gaurdaino Euskal Herria osoan zehar lirika herrikoiaren ahala abesti hurbil, hunkigarri eta sendoetan bildurik barreiatu dutelarik.
Ezin genezake gure musikaren historiaz ez eta gure kulturarenaz ere hitz egin Pantxoa eta Peioren irudian erreparatu gabe. Bikoitza izanik, bakarra balitz bezala ageri zaigu, bi ahots erakargarri, irudi indartsu bakarraren isla, bi bihotz taupada beraren oihartzun; Peio eta Pantxoa, gure herriaren hizkuntza, batasuna, maitasuna, lurra, bakea eta askatasunaren ahotsa izan bait dira haserahaseratik.
Haien arteko duetoak, hari melodiko bakar baten inguruan loturik, bi sentimendu uztartzen ditu bere arragoan: borrokalariaren bihotz baketsua eta bakezalearen barruko gerra "Lurra eta maitasuna" izeneko lan berri honek, doinu gozo eta mezu iraunkorretan zipriztintzen gaitu berriro eta gizatasunaz kargaturiko hamabi kantu zoragarri dakarzkigu, bikotearen errepertorio berria: kostaldeko giro keltiar berrizale harrigarriak, mendi zein basoko abestiak, arimarentzat ferekak, herriarentzat kemena, izarrak zeruan, bakea munduan,...Beren inspirazio iturrietan, tradizioa hala nola ohiko erreferentzia zenbaitez gain (Manex Pagola, Jean Louis Davant, Etxahun Iruri, Pier Paul Berzaitz,.), oraingo taldekide batzuren sena berria ere azaltzen da: Igor Telletxea, Mixel Ducau, Iñaki Dieguez, lanari ikuspegi berriak, sujerikorrak, aberatsak eta unibertsalak ekarriz.
Lurra, maitasuna eta bakea landuz, azkenean, askatasun bideak zabaltzen dira, euskaldunontzat, gizaki ororentzat, aro berri baten iragarle.


MUSIKARIAK:
Mixel Ducau: kitarrak, saxoa
Julio Andrade: kontrabaxua, baxua, perkusioak
Igor Telletxea: bateria, kajoia, perkusioak
Ivan Allue: whistle, uillean pipe, txirula
Alberto Rodríguez: mandolinak
Xabier Zeberio: bibolina
Iñaki Diéguez: akordeoia, trikitixa, sinthe eta ekoizpen musikala
KOLABORATZAILEAK:
Hari laukotea: Alos Quartet (“Lehen orain eta bethi”)
Ahotsa: Kattalin Indaburu (“Nere maitia jeiki ta jeiki”)
Abesbatza: Gaztelu zahar (“Bake mina”)
2006ko abuztuan Elkar estudioan grabatu, nahastu eta masterizatua.
Teknikaria: Jean Phocas