Anje Duhalderen musika ibilbidea estuki dago lotuta dago euskal musikarekin 1970az geroztik. Guztien gogoko den ahots beroa du ; rockari, folkari eta melodia tradizionalei arrastoa uzten die era askoko konposizioekin...
Anjeren iturriak ugari dira, mezua uzten duen edozein musika gustatzen zaio, eta ezin ditu hitzak eta testua bereizi : « Xalbador, nire ibilbidean, Bob Dylan edota Georges Brassens bezain garrantzitsua da ».

( www.briganthya.com / www.myspace.com/briganthya )
Adjektibo asko erabili ahal genituzke talde honen musika definitzeko: energiakoa, imajinatikoa, indartsua... “Folk rock” musika motan kokatuko genituzke eta zelta kutsu handi batekin. Briganthia taldearen indar handiena beraien zuzeneko emanaldietan nabarituko duzue.

( www.iori.com / www.myspace.com )
Iparraldeko ingurugune ezberdinetatik etorritako bost musikariek IORI taldea osatzen dute.
Taldea Rock musikaren aspektu guztietatik pasatzen da, aldi oro energi bero eta sakonak azpimarratuz.
Musikari bakoitzak bizitako esperimentuak amankomunean ezarriz, IORI taldeak lau kantutako (hiru bertsio gehiagorekin) maketa aurkezten dizue, iraganeko sorkuntza berrien ideia bat emanez.
Zalantzarik gabe zuzenean ikusteko...

NAIA artista familia batean sortzen da eta Gorka ta Koldo bere bi anaiekin, Iker bere aitaren ikusgarri munduan hazia izango da.
5 urte dituela, Baionako kontserbatorioan sartzen da. Hor, 7 urtez, solfeo eta txistu kurtsoak hartzen ditu Iñaki Urtizberea maisuarekin. Ondotik pianoa eta gitarra ere lantzen ditu. 13 urterekin, bere izebak ESTITXU kantari famatuak, berarekin kantatzea proposatzen dio eta 12 urtez elkarrekin kantatu dute.
1985ean ARITZAK laukotea bere 2 anai eta aitarekin sortzen du. 7 disko grabatu eta 15 urtez kantuz ibili ondoren, gaur egun, bere sustraietara itzultzen zaigu « ESTI tasuna » disko berri hau aurkeztuz, ESTITXUren omenez.

(okabe.free.fr)
Okabe taldea 2001ean sortu zen, Euskal Herrian. Hasiera batean, bertako musika-munduko 5 lagun bildu ginen eta, gerora, hainbat aldaketaren ondotik, behin betiko egitura egonkortu zen: gaur egun, Okabek kantari bat eta bost musikari biltzen ditu.
Taldeak rock, soul eta trip hop musika ditu oinarri nagusi, baina hasieran funk eta jazz musikek ere izan zuten eragina. Zenbait urte eta dozenaka kontzerturen ostean, errepertorioa aldatu dugu, Euskal Herriko rock mundura hurbiltze aldera. Egun, gure eraginak Pink Floyd, Santana, Portishead, Massive Attack eta Stevie Wonderrenak dira.
2005ean, « Home » lehen diskoa grabatu genuen.
Orain, Okabe bigarren diskoa grabatzeko bidean dago; aldi berean, eszena-giroa ere orrazten ari gara.

Pantxoa ta Peio lapurtarren abestiak Euskal Herriko memoriaren zati dira. 70eko hamarkada zail hartan abertzaleen ahots eta bihotz izan ziren. Gaur egun, abertzaleen erreferentzia dira oraindik ere. Estilo propioa eta berezkoa izan dute.
Beren abestiek eta garaikideago diren beste batzuenek kantua eta kantuaren gaiak betiereko bihurtu dituzte.
Abesti herrikoiek badute berezitasun bat: herria bizirik eta esna mantentzen dute eta, era berean, bizitzaren transmisio dira.

(www.sustraia.fr)
Sustraiak jendea mugiarazteko gaitasuna du, eta bere ibilbide artistiko osoan jendeari hankak astinarazten jakin du, baita ezpainetan irribarrea sorrarazten ere.
Taldeak rock estiloa du; estiloa ez ezik, espresatzeko modua ere bada. Musika mota jakin baten barnean soilik sar ez daitekeena eta genero ugari biltzen duena, betiere Sustraiako aktoreek duten alderdirik apurtzaileena gordez.
Agertokiak, jendearekin harremanak, bizitzako momentu bat elkarrekin bizi izateko gogoa sorrarazten du; a zer nolako bizitza, gainera !!!